Anna güni geçirilen Hökümet mejlisinde wise-premýer B.Seýidowa 2025-nji ýylyň iýul aýynda geçiriljek esasy çäreleriň tertibi barada hasabat berdi.
Bellenilişi ýaly, geljek aýyň dowamynda «Halkara parahatçylyk we ynanyşmak ýyly» mynasybetli maslahatlary, döredijilik duşuşyklaryny, şeýle hem wagyz-nesihat çärelerini, aýdym-sazly dabaralary we sport ýaryşlaryny geçirmek göz öňünde tutulýar.
Şunuň bilen bir hatarda, iýul aýynda:
- «Ýaňlan, Diýarym!» telebäsleşiginiň Aşgabat we Arkadag şäherleri hem-de Ahal, Balkan we Daşoguz welaýatlary boýunça jemleýji tapgyrlaryny;
- «Saglyk» döwlet maksatnamasynyň kabul edilmeginiň 30 ýyllygyna hem-de Enäniň we çaganyň saglygyny goraýyş ylmy-kliniki merkeziniň açylyp ulanmaga berilmeginiň 10 ýyllygyna bagyşlanan medeni çäreleri geçirmek meýilleşdirilýär.
Prezident Serdar Berdimuhamedow wise-premýere şu ýylyň iýul aýyndaky çäreleri geçirmek üçin gowy taýýarlyk görmegi hem-de ýokary derejede geçirmegi tabşyrdy.
