Netflix akym hyzmaty ilkinji Netflix House dynç alyş toplumlarynyň 2025-nji ýylyň ahyrynda açyljakdygyny habar berdi. Bu barada The Verge ýazýar.
Toplumlar öňki söwda merkezleriniň binalarynda açylar. Olaryň biri Filadelfiýadaky King of Prussia Mall-da, ikinjisi Dallasdaky Galleria Dallas-da ýerleşer.
Dallasda myhmanlara Netflix-iň “Kalmar oýny”, “Gaty geň işler” ýaly seriallaryna we filmlerine bagyşlanan bezegler garaşýar. Toplumda “fiziki synaglary, täsirli sýužet otaglaryny we retro stilinde oýunlary” hödürleýän Netflix RePLAY zaly bolar, bu ýerde topar bolup oýnamak ýa-da dostlaryň bilen bäsleşmek bolýar.
Filadelfiýadaky Netflix House “Uensdeý”, “Wan-Pis”, “Brijertonlar”, “Pyçaklary çykarmak” we “Kagyz öý” taslamalaryna bagyşlanar. Ol ýerde VR oýunlar, mini-golf, wiktorinalar we beýleki güýmenjeler gurnalar.
Netflix House-y gurmak meýilnamalary barada 2023-nji ýylda belli boldy. Desgalaryň açylyş senesi heniz yglan edilmedi. 2027-nji ýylda kompaniýa Las-Wegasda üçünji seýilgähi işe girizmegi meýilleşdirýär.
