Tesla elektromobillerine ornaşdyrylan FSD (Full Self-Driving) awtonom sürüş ulgamy ýene ýol-ulag hadysasyna düşdi. Bu gezek awtopilot bilen dolandyrylýan «Model 3» demirýola çykdy diýip, «Carscoops» habar berýär.
Waka ABŞ-nyň Pensilwaniýa ştatyndaky demirýol geçelgeleriniň birinde irden boldy.
Awtoulagyň eýesiniň aýtmagyna görä, awtopilot relsleri adaty ýol hasaplap, ýoluň ugruny şoňa görä düzen bolmaly. Elektromobil relsleriň üstünden, takmynan, 10-15 metr ýol geçensoň saklandy. Şol pursatda ýanaşyk demirýoldan geçip barýan otly ulagyň gapdal aýnasyna degip gitdi.
Sürüji we ýolagçylar otly gelmänkä awtoulagdan çykyp, howpsuz aralykda durmagy başarypdyr. Hadysada hiç kim şikes almandyr. Awtoulaga-da uly zeper ýetmändir.
Tesla-ny göçürmek üçin, otlularyň gatnawy wagtlaýyn togtatmaly boldy. Wakanyň bolan ýerine manipulýatorly ewakuator getirildi. Awtoulag goşmaça zeper ýetirilmezden relslerden çykaryldy.
