Audi ugruny üýtgedýär: kompaniýa 2033-nji ýyla çenli ähli ulaglaryny elektrik hereketlendirijä geçirmek baradaky meýilnamasyndan resmi taýdan ýüz öwürdi.
Germaniýaly brend esasy bazarlardaky durnuksyz islege we dürli şertlere uýgunlaşmak zerurlygy bilen baglylykda, içinden ýandyrylýan hereketlendirijili (IÝH) modelleri hatarda saklamaga karar berdi.
Ilkibaşda Audi diňe elektrik awtoulaglary öndürmäge üns bermekçidi, ýöne ýagdaýlar çylşyrymlaşdy: elektromobil satuwlary deň derejede ösmedi, Ýewropa Bileleşigindäki ýurtlarda infrastruktura dürli depginde ösýär, «ýaşyl» hereketlilige bolan gyzyklanma bolsa her ýerde durnukly däl.
Netijede, kompaniýa IÝH-lerden öwürmek hem-de modelleri hereketlendirijilere görä bölmek baradaky meýilnamasyny yza süýşürdi. Indi şol bir model IÝH bilen hem, gibrid görnüşde hem, elektrik görnüşde hem hödürlenip bilner.
Kompaniýanyň ýolbaşçysy Gernot Dýollneriň aýtmagyna görä, Audi 2024-nji ýyldan 2026-njy ýyla çenli aralykda adaty we gibrid hereketlendirijili awtoulaglaryň täze neslini çykarar, benzinli we dizel hereketlendirijili modelleriň önümçiligi bolsa häzirki onýyllygyň ahyryna çenli dowam eder.
