Geçen hepde Microsoft korporasiýasy Patch Tuesday programmasynyň çäklerinde Windows 11 üçin KB5060842 täzelenmesini çykardy. Ýöne ol Easy Anti-Cheat antiçitini ulanýan oýunlar bilen gabat gelmekde mesele döretdi. Bu näsazlygy aradan aýyrmak üçin gyssagly ýagdaýda KB5063060 täzelenmesi çykaryldy, ýöne ol hem täze meselelere sebäp boldy.
PCWorld-yň maglumatlaryna görä, KB5063060 gurnalanda ulanyjylar 0x800f0922, 0x80070002, 0x80070306 we 0x800f0991 ýalňyşlyklary bilen ýüzbe-ýüz bolýar. Käbir ulanyjylarda gurnama prosesi doňýar ýa-da gaýtadan ýükleme tapgyrynda togtaýar. Şeýle-de, ulgamyň öndürijiligi bilen bagly meseleler we oýunlarda bökdençlikler döreýär.
Ulanyjylara Microsoft katalogyndan täzelenmäni ýükläp almak maslahat berilýär. Bu ýagdaýda gurnama üstünlikli bolar, ýöne iýun täzelenmesinden soň näsazlyklar barybir ýüze çykyp biler. Ulanyjylaryň biri ýumuşlar paneliniň işlemegini bes edendigini habar berdi. Şeýle-de, “Ýolbelediň” işinde bökdençlikler bolup biler, ýöne habarlara seretseň, bu az sanly ulanyjylara täsir edýän bolsa gerek.
Mundan başga-da, KB5063060-yň gurnalmagy Easy Anti-Cheat bilen bagly meseleleri doly çözmeýär. Käbir ulanyjylar täzelenmeden soň Bluetooth gurluşlarynyň birikmegini bes edendigini habar berdi.
Microsoft häzirlikçe bu ýagdaýa teswir bermedi. Käbir ulanyjylaryň pikiriçe, KB5063060 patçynyň bozulmagy wagtlaýyn çözgüt bolup biler.
