Audi kompaniýasy 2025-nji ýylyň täzelenen A7L sedanyny tanyşdyrdy. Awtoulag 7 komplektasiýada hödürlenýär diýip, «ITHome» habar berýär.
Daşky keşbi boýunça täze model ýylyna geçýän A7L-de hiç hili üýtgeşme ýok. Awtoulagyň ölçegleri: uzynlygy – 5076 mm, ini – 1908 mm, beýikligi – 1429 mm. Teker bazasy – 3026 mm.
Audi A7L 2025-iň esasy komplektasiýasynyň salonyna üç sany ekran gurnalan: 12,3 dýuýmlyk displeý sanly gurallar panelinde ýerleşýär, 10,1 dýuýmlyk displeý media ulgamy üçin, 8,6 dýuýmlyk üçünji displeý bolsa howa ulgamynyň sazlamalaryny dolandyrmak üçin niýetlenendir.
A7L 2025 iki görnüşdäki hereketlendiriji bilen hödürlenýär. 55TFSI wersiýasy 3,0 litrlik benzinli V6 hereketlendiriji bilen enjamlaşdyrylandyr. Ol 48-woltlyk goşmaça elektrik ulgamy bilen bilelikde işleýär. Ol 340 at güýjüni öndürýär we iň ýokary 500 Nm torky üpjün edýär. Awtoulag 0-dan 100 km/sag tizlige bary-ýogy 5,6 sekuntda ýetýär. 45TFSI wersiýasynda bolsa, turbinaly 2,0 litrlik hereketlendiriji bar, onuň kuwwaty 245 at güýji, torky bolsa 370 Nm. Transmissiýa hökmünde iki sany çygly tipli ssepleniýeli, 7 basgançakly robotlaşdyrylan karobka bar. 2,0 litrlik hereketlendirijili wersiýalar öňdäki tigirlerden we doly herekete getirilýän görnüşde bolup biler, 3,0 litrlik uly hereketlendirijili wersiýalar bolsa, diňe doly herekete getiriji ulgam bilen üpjün edilýär.
Täze modeliň bahalary komplektasiýasyna görä, 418700 ýuandan 666200 ýuan (takmynan, 58,4 müň dollardan 92,9 müň dollar) aralygynda üýtgeýär.
