Deyaar Development kompaniýasy Dubaýda täze Downtown Residences ýaşaýyş toplumynyň taslamasyny hödürledi. Onuň beýikligi 445 metre barabar bolar diýip, New Atlas habar berýär.
Taslamany Business Bay sebitinde durmuşa geçirmek meýilleşdirilýär.
Toplum bir umumy binýatda birleşdirilen iki diňden ybarat bolar.
Binada kaşaň otaglar, köp sanly penthauslar we köşk ýerleşdiriler. Binanyň infrastrukturasy ýaşyl zolaklary, sagaldyş we aeroýoga, meditasiýa, spa we fitnes zolaklary bilen sosial merkezleri öz içine alar.
100-nji gatda diýen ýaly Summit Society giňişligi bolup, ol restoranlary, barlary, launj-zolaklary we uly kinozaly öz içine alar.
Gurluşyk başlangyç tapgyrda bolup, 2030-njy ýylyň ahyryna çenli tamamlanmaly. Eger bina häzire çenli gurlup tamamlanan bolsa, ol Dubaýda Burj-Halifadan soň ikinji iň beýik bina bolardy we dünýäniň ýaşaýyş diňleriniň arasynda hem şeýle orny eýelärdi. Ýöne onýyllygyň ahyryna çenli Downtown Residences beýikligi boýunça beýleki taslamalardan yza galsa gerek. Hususan-da, 2028-nji ýylda tamamlanmaly 122 gatly Six Senses Residences Dubai Marina toplumy ondan öňe geçer. Bu binanyň beýikligi 517 metre barabar bolar.
