Nýu-Ýorkda meňzeş adamlaryň nobatdaky bäsleşigi geçirildi. Bu gezek guramaçylar myhmanlara “The Las of Us” (“Biziň soňkymyz”) we “Narko” seriallaryndaky keşpleri bilen tanalýan aktýor Pedro Paskala has meňzeş adamlary saýlamagy teklip etdi. Bu barada New York Post habar berýär.
Halkyň ses bermeginde ýeňiji Bruklinden yşyklandyryş boýunça hudožnik Jorj Gountas boldy. Ol 50 dollar möçberde pul baýragyny hem-de Meksikanyň ýerli restoranyndan bir ýyllyk burrito ätiýaçlygyny aldy.
Ozal şeýle bäsleşiklerde Timoti Şalame, Zendaýa, Jeremi Allen Uaýta has meňzeş adamlar saýlanypdy.
Geçen hepde Paskalyň gatnaşmagynda täze “Materialistler” komediýa melodramasy prokata çykdy. Mundan başga-da, aktýor şu tomus täze “Fantastik dörtlük” filminde we “Eddington” neo-western filminde peýda bolar.
