Audi kompaniýasy Hytaý bazary üçin Q6 krossoweriniň täzelenen görnüşini taýýarlaýar. Ýewropanyň elektrikli Q6 e-tron-yndan tapawutlylykda, hytaý modeli benzin hereketlendirijisini alar we Volkswagen Golf-da we Audi A3-de hem ulanylýan uzaldylan MQB Evo platformasynda gurlar.
Täze awtoulag gaýtadan işlenen gapy tutawaçlary, üýtgedilen bamperleri, täze radiator paneli we iki ýarusly optikasy bilen tapawutlanýar. Teker bazasy üýtgewsiz - 2980 mm-ligine galar we ikinji hatardaky ýolagçylaryň oturjak ýerini giňelder.
Içinde öňdäki ýolagçy üçin goşmaça displeý ýerleşdirilip bilner. Esasy hereketlendiriji 2,0 litrlik turbo görnüşli EA888 hereketlendirijisi bolar. Ol häzirlikçe elýeter bolan 2,5 litrlik VR6 hereketlendirijisiniň ornuny tutar diýlip garaşylýar.
Bu model diňe Hytaýyň içerki bazary üçin niýetlenendir we Ýewropada ýa-da ABŞ-da satylmaz. 2025-nji ýylda benzin bilen işleýän täze awtoulaglar bilen gyzyklanýan hytaýly alyjylaryň arasynda täzelenen Q6 uly gyzyklanma döredip biler.
