BMG-niň Ilat gaznasynyň (ÝUNFPA) Türkmenistandaky wekilhanasy her ýylyň 11-nji iýulynda bellenýän Bütindünýä ilat güni we BMG-niň Ilat gaznasynyň dünýä ilaty hakynda ählumumy Hasabatynyň goýberilmegi mynasybetli akwarel işleriniň bäsleşigini yglan etdi.
Bäsleşige gatnaşmaga 15 ýaşly we ondan uly ýaşly şahslar çagyrylýar. Bäsleşige gatnaşýanlaryň her biri yglan edilen tema laýyk gelýän diňe bir nusgada görkezip biler. Işiň arka ýüzünde awtor doly adyny we familiýasyny, doglan senesini, telefon belgilerini we elektron poçta salgysyny görkezmeli.
Işleriň ählisine ýörite döredilen eminler baha berer. Işleri eltip tabşyrmak ýa-da şu salgy boýunça poçta arkaly ibermek bolar: Arçabil şaýolynyň 21-nji jaýy, Aşgabat, Türkmenistan, 744036.
Arzalary tabşyrmagyň ahyrky güni 2025-nji ýylyň 30-njy iýuny.
Telefon belgisi: +99362833158.
