BMW Blog web saýty 1996-njy ýylyň 10-njy iýunynda çykan we Finlýandiýada hasaba alnan BMW 5 Series E39 sedany barada habar berdi. Bu awtoulagyň odometri 940 müň 503 kilometr görkezýär.
Blogda bellenilişi ýaly, awtoulag ýylda ortaça 35 müň kilometr ýol geçipdir.
Gyzykly tarapy, ulagyň satyn alnan gününden bäri diňe ýeke eýesi bolupdyr – Ýuha Bekmand. Ol BMW-sini 1996-njy ýylyň oktýabryndan bäri sürýär we bu senäniň hormatyna hatda awtoulag üçin «10 96» belgili nomer hem sargyt edipdir.
Skandinawiýanyň sowuk howasyna garamazdan, ulag ygtybarlylygyny subut edipdir: hereketlendirijisi -37,5 gradus temperaturada-da işläpdir.
Bekmand awtoulagy yzygiderli abatlaýyşdan geçiripdir we diňe original şaýlary ulanypdyr. Şeýle-de bolsa, hereketlendirijisi we geçiriş karobkasy häzirki güne çenli hem üýtgedilmän saklanypdyr.
«BMW 523i» modeli 170 at güýjüni öndürýän 2,5 litrlik benzinli, hatar görnüşli alty silindrli hereketlendiriji we 5 basgançakly mehaniki karobka bilen enjamlaşdyrylandyr.
Ulagyň kuzowy Finlýandiýanyň garly gyşlaryna gowy çydapdyr – poslamandyr we zawoddaky boýag örtügi saklapdyr. Şeýle-de salonynyň ýagdaýy hem gowy saklanypdyr.
