BMW awtoulaglaryna niýetlenen taslamalary bilen tanalýan nemes Manhart týuning-atelýesi Porsche 911 Turbo S-iň 992 nesli üçin üýtgeşmeler toplumyny hödürledi. Täze sazlaýyş bukjasyna TR 900 II diýilýär.
Onuň kömegi bilen 3,8 litrlik oppozit hereketlendirijisiniň güýji 650-den 922 at güýjüne, torky 800-den 1090 Nm-a çenli ýokarlandy. Bu netije täze turbo güýçlendirijileri oturtmak, dolandyryş bölümini gaýtadan programmirlemek we sazlap bolýan klapanly poslamaýan polatdan ýasalan gaz çykaryjy ulgam gurmak arkaly gazanyldy.
Artdyrylan torky geçirmek üçin ýedi tizlikli robotlaşdyrylan PDK geçiriş gutusy güýçlendirildi.
Manhart ulagyň täze dinamiki häsiýetnamalary barada habar bermedi. Porsche 911 Turbo S-iň esasy wersiýasynyň sagatda 100 km / sag tizlige 2,8 sekuntda çykýandygyny we 330 km / sag tizlige ýetýändigini göz öňünde tutsak, düýpli gowulaşmalara garaşylmaýar.
Tehniki üýtgeşmelerden başga-da, týunerler kosmetiki taýdan gowulaşdyrmalary teklip etdiler: kuzowy gara zolakly we firma stikerli açyk gök reňke boýaldy. Şeýle hem aerodinamiki obwes, alty keýeli Concave One diskalary we H&R puržynlary oturdyldy, bular onuň ýerden beýikligini 30 mm peseltdi.
