Şwesiýanyň Volvo kompaniýasy adamyň indiwidual aýratynlyklaryna görä sazlanmaga ukyply bolan akylly howpsuzlyk kemerini döretdi. Bu barada The Verge neşiri habar berýär.
Täze ulgam ýolagçynyň agramyny, boýuny, bedeniniň massasyny we hatda oturyş ýagdaýyny kesgitleýän datçikleri ulanýar. Bu maglumatlaryň esasynda iň ýokary goragy üpjün etmek üçin kemeriň dartyş güýji awtomatik sazlanýar.
Mysal üçin, göwresi uly bolan uzyn adam üçin çaknyşma wagtynda kellä şikes ýetmek töwekgelçiligini azaltmak üçin kemer güýçli çekdirilmeli bolýar. Emma göwresi kiçi, hor adam ýa-da çaga üçin, tersine dartyş güýji döş kapasasyna zeper ýetmezlik üçin birneme gowşak bolmaly.
Volvo kemeriň dartyş güýjüniň režimini üçden on bire çenli köpeltdi. Heläkçilik ýagdaýynda ulgam salondaky her bir berkidilen ýolagçy üçin laýyk warianty saýlaýar.
Mundan başga-da, programma üpjünçiligi wagtyň geçmegi bilen has gowy işlemek üçin yzygiderli täzelener.
Täze kemerli ilkinji model Volvo EX60 elektrik krossoweri bolar. Onuň bazara çykmagy indiki ýyla meýilleşdirilýär.
