Aktýorlar Çenning Tatum we Bred Pitt dünýäde iň howply ýaryşlaryň biri bolan meşhur Isle of Man TT motoýaryşy baradaky filmiň prodýuserleri bolup çykyş eder. Bu barada Deadline habar berýär.
Bu filmde baş keşbi Tatum ýerine ýetirer. Režissýor ozal “Lulu we Briggs” filminiň üstünde işlän Rid Kerolin bolar. Ssenarini hem Jeýson Keller we Braýan Jonson bilen bilelikde Kerolin ýazdy.
Sýužet barada giňişleýin maglumat ýok. Ýöne çeper filmden başga-da, dokumental taslamanyň meýilleşdirilýändigi belli. Onuň üçin wideomateriallar geçen ýyl Men adasynda geçirilen ýaryşlarda düşürildi.
Dokumental serial her biriniň dowamlylygy 45 minut bolan dört bölümden ybarat bolar. Ol öz arzuwlary üçin janyny howp astyna goýýan ýaryşa gatnaşyjylar barada gürrüň berer. Taslama adatdan daşary durmuş ýörelgesini saýlamagyň netijelerini öwrenýär.
Isle of Man Tourist Trophy dünýäde iň gadymy motosport ýaryşydyr. Ilkinji ýaryş 1907-nji ýylda geçirildi. Ýaryş iň abraýlylaryň biri, şol bir wagtyň özünde aşa töwekgelçilikli hasaplanýar.
