Volkswagen gümrük paçlarynyň peseldilmegine umyt baglap, ABŞ-daky zawodlaryna maýa goýmaga karar berdi

  • 07.06.2025 11:53
  • 3.2k+

Volkswagen kompaniýasynyň ýolbaşçysy Oliwer Blýume konserniň ABŞ-a uly möçberde maýa goýjakdygyny mälim etdi. The Guardian neşiriniň ýazmagyna görä, ol bu ädim bilen Prezident Donald Trampyň martda awtoulaglara girizilen 25 göterimlik gümrük paçlaryna täzeden seretmegine garaşýar.

Neşiriň maglumatlaryna görä, ABŞ-nyň hökümeti bilen şeýle gepleşikleri «Mercedes-Benz» bilen «BMW-niň» wekilleri hem alyp barýar.
Blýume ABŞ-nyň söwda ministri Goward Lýutnik bilen nyrhlary we maýa goýumlaryny ara alyp maslahatlaşandygyny aýtdy. Gepleşikleriň mazmuny taraplaryň özara ylalaşygy sebäpli, aýan edilmedi, ýöne «Volkswagen-iň» ýolbaşçysy bu meseläniň Ak tamyň ýolbaşçysyna ýetjekdigine umyt bildirýär.
Kompaniýa «Scout» brendiniň ösdürilmegine we «Rivian» amerikan kompaniýasy bilen bilelikdäki taslamasyna maýa goýmaga dowam etmegi meýilleşdirýär. Önümçilik kuwwatlyklarynyň artdyrylmagy bilen baglanyşykly jikme-jiklikler entek mälim edilmedi.
Käbir maglumatlara görä, «Volkswagen» Meksikada ýygnalýan käbir modelleriň önümçiligini ABŞ-daky zawodlara geçirip biler. Hususan-da, bu ýagdaý «Tiguan» krossowerine degişli bolup biler.
Mart aýynda güýje giren, ABŞ-da ýygnalmadyk awtoulaglara salnan 25 göterimlik gümrük paçlary dünýäniň iri awtoulag öndürijilerini amerikan bazaryndaky strategiýalaryny täzeden gözden geçirmäge mejbur etdi. Mysal üçin, «Nissan» hem Meksikadaky önümçiligi ABŞ-a geçirmek mümkinçiliklerine seredýär.


14.07.2025 18:11
4.1k+

Volkswagen Ýewropada elektrokar satuwy boýunça Tesla-dan öňe geçdi

2025-nji ýylyň birinji alty aýynyň jemi boýunça Volkswagen konserni Ýewropada elektrik ulaglarynyň satuwy boýunça Tesla-dan öňe geçdi. Handelsblatt neşiriniň maglumatlaryna laýyklykda, VW Group-yň düzümine girýän ähli brendleriň batareýa bilen işleýän modelleriniň satuwy, geçen ýylyň degişli döwri bilen deňeşdirilende, sebitde 89% ýokarlandy we 347 900 birlige ýetdi...

13.07.2025 19:43
4.8k+

Volkswagen SAIC konserni bilen Hytaýyň Nankin şäherindäki bilelikdäki zawodyny ýapýar

Hytaýyň SAIC awtokonserni bilen Germaniýanyň Volkswagen kompaniýasynyň bilelikdäki kärhanasy 2025-nji ýylyň ikinji ýarymynda Hytaýyň Nankin şäherindäki zawodyny doly ýapmagy meýilleşdirýär. Handelsblatt neşiriniň habar bermegine görä, zawodda önümçilik eýýäm togtadyldy...

13.07.2025 19:20
4.3k+

Tesla zarýad bermegi restoranly we awtokinoteatrly ýakymly güýmenjä öwürýär

Tesla Los-Anjelesde öz firma restorany we awtokinoteatry bolan, elektrik ulaglar üçin ilkinji çalt zarýad beriş stansiýasynyň gurluşygyny tamamlap barýar. Santa-Monika bulwaryndaky desganyň gurluşyk haýatlary eýýäm aýryldy we ýakyn günlerde açylmagyna garaşylýar...

10.07.2025 23:56
4.6k+

Volkswagen ID. Buzz-yň dünýä boýunça syýahaty başlandy. Ol Ginnesiň rekordyny goýmaga dalaş edýär

Meşhur awto syýahatçy Raýner Sitlou Volkswagen ID. Buzz elektroweninde dünýä boýunça gezelenje çykdy. Ol syýahatynyň dowamynda 75 ýurda baryp, takmynan 80 müň kilometri geçmegi meýilleşdirýär. Eger syýahat şowly tamamlansa, bu bir ugruň çäginde elektrik ulagynda baryp görlen ýurtlaryň sany boýunça dünýä rekordy bolar...