NASA-nyň Marsdaky Perseverance enjamy Ýere Gyzyl planetanyň üstünden täze selfi iberdi. Surata “tozan arwahy” düşdi – planetanyň üstündäki gyzgyn howa akymlarynyň täsiri bilen emele gelýän uly bolmadyk, aýlanýan tüweleýler şeýle diýlip atlandyrylýar.
Täze suratda ony kadryň ýokarky merkezi böleginde görmek bolýar.
“Eger meniň yzlarym kesilýän bolsa, siz munuň näme üçindigini bilýänsiňiz. Men bu suraty soňky gezelenjim tamamlanandan soň, yzky Navcam kameramyň kömegi bilen aldym. Men häzirem Ýezero krateriniň gyrasyny öwrenip, geçmişdäki mikrob durmuşynyň alamatlaryny gözleýärin” – diýip, roweriň sahypasyndaky habarda aýdylýar.
Perseverance Marsda eýýäm 1500 gün bäri işleýär. Bu döwürde ol 36 kilometr aralygy geçdi, dag jynslarynyň 26 nusgasyny ýygnady we seljermek üçin 37 daşy owratdy.
Häzir rower Ýezero krateriniň töwereginde işlemegini dowam etdirýär. Bu ýerde alymlar gadymy mikrob durmuşynyň yzlaryny tapmaga synanyşýar.
