Netflix-iň “Ýetginjeklik döwri” (Adolescence / Переходный возраст) mini-serialy Gotham TV Awards dabarasynda üç baýraga mynasyp boldy. Baýragyň gowşurylyş dabarasy Nýu-Ýorkda geçirildi diýip, Variety habar berýär.
Taslama “Iň gowy mini-serial” nominasiýasynda ýeňiş gazandy. Şeýle-de, aktýorlar sylaglandy: Stiwen Grem iň gowy baş keşp üçin, 15 ýaşly Ouen Kuper bolsa ikinji plandaky keşp üçin baýrak aldy. Umuman, serial dört nominasiýada dalaşgär görkezilip, üçüsinde ýeňdi.
Baýragyň beýleki eýeleriniň arasynda Apple TV+-dan “Kinostudiýa”, HBO Max-dan “Pitt hassahanasy” taslamalary we aktrisa Keti Beýts (“Metlok”) bar.
“Ýetginjeklik döwri” mart aýynda platformada çykdy we Netflix-iň taryhynda iň meşhur seriallaryň biri boldy. Sýužet synpdaşlaryny öldürmekde aýyplanyp, tussag edilýän mekdep okuwçysy Jeými (ony Kuper oýnaýar) barada gürrüň berýär. Onuň kakasy (Grem), jemgyýetçilik işgärleri we polisiýa näme bolandygyny anyklamaga synanyşýar.
Serial tankytçylardan oňyn syn aldy. Režissýor hökmünde Filip Barantini çykyş etdi, ssenarini Stiwen Grim we Jek Torn ýazdy.
Gotham TV Awards baýragy 2024-nji ýylda Nýu-Ýorkda Gotem kino we media instituty tarapyndan döredildi. Geçen ýyl, baýrak ilkinji gezek gowşurylanda, iň gowy mini-serial “Sugun çagasy” (Оленёнок) boldy.
