1-nji iýunda sagat 5:00 töweregi başlanan magnit tupanlary 3-nji iýunda 23:00 töweregi tamamlandy. Russiýanyň Ylymlar Akademiýasynyň Kosmos gözlegleri institutynyň Gün astronomiýasy barlaghanasynyň maglumatlaryna görä, olaryň umumy dowamlylygy 66 sagat boldy.
Olardan alty sagadyň dowamynda Ýeriň magnitosferasy ýokary işjeňlik ýagdaýynda boldy. 1-nji iýunda irden tupan G4 derejesine ýetdi – bu bäş derejeden “örän güýçlüdigini” aňladýan dördünji derejedir.
Galan wagtlary tupan, esasan, G1-G2 derejesinde boldy, bu “gowşak” we “ortaça” hasaplanýar.
Dowamlylygyna garamazdan, tupan 2017-nji ýylyň rekordyny täzelemedi – şol wagt geomagnit gozganmalary 69 sagat dowam etdi. Şeýle-de, barlaghana 2005-nji ýylyň sentýabr aýynda “Ýeriň magnit meýdanynyň arakesmesiz 75 sagat işjeň ýagdaýda bolandygyny” ýatlap geçdi.
2-nji iýunda barlaghana häzirki tupana sebäp bolan Gün massasynyň zyňyndylarynyň soňky 20 ýylda iň güýçlüleriň biri bolandygyny habar berdi. Maglumatlara görä, 1-nji iýunda Gün maddasynyň (plazma) tizligi 1100 km/s, temperatura bolsa 2-3 mln gradusa ýetdi.
Tupan wagty Demirgazyk Amerikanyň asmanynda ýiti polýar şöhlelenmeleri göründi.
