BMW Australia Takata-nyň kemçilikli howpsuzlyk ýassyklary sebäpli 2010-2012-nji ýyllarda çykan 3 Series modellerini yzyna çagyrýar. Yza çagyryş PSDI-5 howpsuzlyk ýassygy, sport ruluny öz içine alýan goşmaça sport bukjaly 2947 sany ulaga degişli.
Munuň sebäbi howpsuzlyk ýassygynyň piropatronynyň zaýalanyp başlandygy bilen bagly. Ol heläkçilik ýüze çykan ýagdaýynda sürüjä degip biljek metal böleklerini pytradyp, partlap biler.
Bu agyr şikes almak ýa-da ölüm howpuny döredýär. BMW-niň agzalan modellerinde şeýle hadysalaryň bellige alnan ýagdaýlary ýok. Şeýle-de bolsa, 2018-nji ýyldan bäri Takata-nyň howpsuzlyk ýassygy Awstraliýada bir adamyň ölümine we üç sany agyr şikes alynmagyna sebäp bolupdy.
Ulag eýelerine kemçilik düzedilýänçä ulagy sürmezlik maslahat berilýär. Awtoulagyň yzyna çagyrylýandygyny ýa-da çagyrylmaýandygyny VIN belgisi boýunça barlap bolýar. Belgileriň sanawy BMW-iň resmi web sahypasynda goýuldy. Awtoulagyň öndürilen senesini kuzowyň sürüji sütüninden (B sütün) tapyp bolýar.
