Apple kompaniýasynyň «WWDC 2025» işläp düzüjiler konferensiýasy 9-13-nji iýun aralygynda ýönekeý formatda, uly anonslar bolmazdan geçiriler. Bu barada «Bloomberg» agentliginiň žurnalisti Mark Gurman ýazýar.
Onuň maglumatlaryna görä, kompaniýa «Apple Intelligence» we emeli aň tehnologiýalaryna aýratyn üns bermez.
Esasy täzelik hökmünde, 3 milliard parametrli ýerli emeli aň modelleriniň daşky işläp düzüjiler üçin açylmagy bolar. Bu ulgamlar teksti işlemek we awtoçalyşmak üçin peýdalanylar, ýöne olar «OpenAI» we «Google» kompaniýalarynyň bulut çözgütlerinde ep-esli pes.
Apple yzygiderli üýtgeşmelere üns berer:
- iOS 26 (ozal habar berşimiz ýaly, kompaniýa belgileýiş usulyny üýtgedýär), iPadOS 26 we macOS 26 operasion ulgamlary visionOS stilindäki açyk «aýna» elementli interfeýs dizaýnyna geçer;
- «Terjime» («Translate») programmasynyň täzelenen görnüşi, «AirPods» we «Siri» bilen integrasiýasy bilen;
- Akkumulýatoryň işini optimizasiýa etmek üçin täze režim;
- «Safari» we «Suratlar» («Photos») programmalarynda kiçi emeli aň aýratynlyklary.
Enjam taýdan täze önümleriň görkezilmegine garaşylmaýar. Uly taslamalar, ýagny täze «Siri», 150 milliard parametrli bulut emeli aň modelleri we gözleg hyzmaty 2026-njy ýyla geçirildi.
Esasy üns «SwiftUI» üçin tekst redaktory we interfeýsleriň emeli aň arkaly synagdan geçirilmegi ýaly işläp düzüjiler üçin gurallara berler. Gurmanyň sözlerine görä, kompaniýanyň içinde bu konferensiýa eýýämden «lapykeçlik» diýlip atlandyrylyp başlapdyr.
Esasy tanyşdyryş çäresi 9-njy iýunda Aşgabadyň wagty bilen sagat 23:00-da başlar.
