Ýerde 1-nji iýunda başlanan magnit tupany azyndan 3-nji iýuna çenli dowam eder. Bu barada Amaly geofizika institutynyň wekiline salgylanyp, TASS habar berýär.
“Geomagnit tupanlary, esasan, G1-G2 derejesinde, ýöne koronal massanyň zyňyndylarynyň dowamly täsiri sebäpli käwagt G3-G4 derejesiniň bolmagyna garaşylýar. 3-nji iýunda, ähtimal, geomagnit tupany G1 derejesine çenli peselip biler” – diýip, çeşme habar berýär.
Kosmos howasy merkeziniň maglumatlaryna görä, häzirki wagtda magnit tupanynyň derejesi G1-e çenli (gowşak) peseldi. 1-nji iýunda G4 – bäş bally şkala boýunça “örän güýçli” derejä ýetipdi, bu şkala boýunça G5 – “aşa güýçli”, G1 – “gowşakdyr”. Şeýlelikde, bir günde işjeňlik düýpli üýtgedi.
Gozganmanyň sebäbi 31-nji maýda hasaba alnan Gün hadysasy boldy. Şonda alymlar ýokary M8.2 derejeli alawlama syn etdi, ol 2025-nji ýylda iň uly plazma zyňyndylary bilen bolup geçdi.
