Gilýermo del Toronyň “Frankenşteýn” filminiň ilkinji tizeri peýda boldy

  • 02.06.2025 17:26
  • 3.2k+

Netflix akym hyzmaty režissýor Gilýermo del Toronyň “Frankenşteýn” filminiň ilkinji tizerini hödürledi. Film noýabr aýynda çykar.

“Frankenşteýn” tejribeleriň üsti bilen ähli adamlar üçin howp salýan hakyky nägehany döredýän doktor Wiktor Frankenşteýn barada gürrüň berýär.
Del Toro Meri Şelliniň “Frankenşteýn ýa-da Häzirki Prometeý” nusgawy romanyny ekranlaşdyrmagy köpden bäri arzuw edipdi, ýöne ony diňe Netflix üçin “Seýrek zatlaryň kabineti” we “Pinokkio” filmlerini çykarandan soň düşürip bildi.
Geljekki filmde baş keşpleri Oskar Aýzek (“Lýuin Dewisiň içinde”), Çarlz Dens (“Tagtlaryň oýny”), Kristof Wals (“Biabraý nejisler”), Jeýkob Elordi (“Soltbýorn”) we Mia Got (“Kölegeleriň mesgeni”) ýerine ýetirdi.


düýn 18:25
4.2k+

Fabergé Bond baradaky filmiň şanyna 177 müň dollarlyk altyn ýumurtga çykardy

Fabergé zergärlik öýi Jeýms Bond baradaky wakalaryň üçünji bölümi bolan “Goldfinger” filminiň 60 ýyllygy mynasybetli 177 müň dollardan gowrak bahaly ýumurtgany hödürledi. Bu barada kompaniýanyň resmi saýtynda habar berilýär...

düýn 18:20
4.5k+

Jon Uik baradaky filmleri dörediji “Calexit” komiksini ekranlaşdyrar

Jon Uik baradaky filmler bilen tanalýan amerikaly režissýor Çad Stahelski “Calexit” komiksi boýunça doly metražly film düşürer. Bu barada The Hollywood Reporter habar berýär. Ssenarini Black Mask Studios-yň prezidenti Matteo Pissolo ýazar, prodýuserler hökmünde Aleks Ýang, 87Eleven Entertainment-den Jeýson Spits, şeýle-de Pissolo, Brett Gurewis we Braýan Giberson çykyş eder...

düýn 16:40
1.7k+

Netflix meşhur “Uensdeý” serialyny üçünji möwsüme uzaltdy

Netflix platformasynyň taryhynda iň meşhur iňlis dilli serial “Uensdeý” üçünji möwsüme uzaldyldy. Bu barada platformanyň resmi saýtynda habar berildi. Mundan başga-da, taslamanyň režissýory Tim Býorton we baş keşbi ýerine ýetiriji Jenna Ortega The Hollywood Reporter bilen söhbetdeşlikde spin-offy döretmek mümkinçiliginiň maslahatlaşylýandygyny aýtdy...

düýn 14:46
3.9k+

“Mortal Kombat 2” filminiň treýleri rekord goýdy

“Mortal Kombat 2” filminiň treýleri wideolaryň Red Band wersiýalarynyň arasynda tomaşa sany boýunça täze rekord goýdy. Bu barada Deadline neşiri habar berýär. Çeşmäniň maglumatlaryna görä, wideonyň ýaş çäklendirmesi bolan wersiýasy ilkinji 24 sagatda 106,8 mln tomaşa ýygnady...