Porsche Beýik Britaniýada 2019-2023-nji ýyllarda çykan Taycan-yň ähli ulanylan modelleriniň satuwyny togtatdy. Dilerler öndürijiniň ulagyň haýal etmän satuwdan aýrylmagy barada gyssagly buýruk berendigini aýtdy. Sebäp resmi taýdan aýan edilmedi.
Çak edilişine görä, munuň howpsuzlyk bilen bagly bolmagy mümkin.
Çeşmeleriň berýän maglumatyna görä, görkezme Britaniýanyň ulaglaryň yzyna çagyryşlaryna jogapkär DVSA gullugynyň talaby boýunça gelip gowuşdy. Porsche GB hem, DVSA hem entek bu ýagdaýa teswir bermedi. Taycan-nyň käbir hödürlemeleri öňküsi ýaly markanyň resmi web sahypasynda bar, ýöne satyjylara goşmaça görkezmeler gelýänçä, awtoulagy satmak ýa-da müşderilere geçirmek gadagan edildi.
Porsche ozal ABŞ-da on müňlerçe Taycan-ny yzyna çagyrdy. 2025-nji ýylyň aprelinde şeýle yzyna çagyryşyň sebäbi howa ýassygynyň işlemezlik töwekgelçiliginiň bardygy we 2024-nji ýylyň oktýabr aýynda batareýanyň ýanmagy töwekgelçiligi bilen bagly boldy.
Umuman alanyňda, DVSA Taycan-nyň tormozlary, kebşirlenen sepleri, asmasy we batareýa bloklaryny bilen bagly 12 gezek yzyna çagyrylandygyny bellige aldy.
Satuwyň täzeden bes edilmegi dilerleriň we elektromobilleriň eýeleriniň arasynda biynjalyklyk döretdi. Sebäbi näbelli bolsa-da, kararyň göwrümi we gyssaglydygy, megerem, çynlakaý kemçiligiň bardygyndan habar berýär.
