Fransuz dizaýneri Mahdi Naim EXOSKYN krossowkasyny – KORUX brendiniň adam dabanynyň gurluşyndan ylham alyp döredilen ilkinji modelini hödürledi.
Bu krossowkanyň esasy aýratynlygy onuň formasynyň aýagyň süňkleriniň gurluşyny gaýtalamagydyr. Başgaça aýdylanda, ol aýagyň skeleti ýaly. Dizaýner anatomiýany öwrenip, dabanyň içki gurluşyna meňzeýän gözenekli gurluşy işläp taýýarlady. Daşky görnüşi boýunça aýakgap adaty krossowka däl-de, adam aýagynyň bir bölegi ýaly görünýär.
EXOSKYN-yň her jübüti tikinsiz we ýelimsiz bitewi önüm hökmünde 3D printerde döredilýär. Bu aýakgaby berk we has rahat edip, galyndylary azaldýar. Ulanylan material çeýeligi we durnuklylygy birleşdirýär.
Model aýratyn sargyt boýunça sanly önümçiligiň mümkinçiliklerine bagyşlanan çäkli Print Step kolleksiýasyna girýär. Her jübüt aýratynlykda taýýarlanýar, ýagny köpçülikleýin önümçilik ýok.
Mahdi Naim – senagat dizaýny we 3D çap boýunça hünärmen. Ol EXOSKYN taslamasynda aýakgaby aksessuar däl-de, bedeniň dowamy hökmünde görýär.
Ozal şeýle tehnologiýalar uly brendler tarapyndan hem ulanylypdy. Adidas gözenekli gurluşy bolan aýakgap dabanyny döretmek, Under Armour bolsa krossowkanyň çeýe böleklerini öndürmek üçin 3D çap usulyny ulanýar. Ýöne olardan tapawutlylykda, EXOSKYN başga bir konsepsiýany – adam anatomiýasyna ýakyn aýakgaby hödürleýär.
