2025-nji ýylyň “Dünýä hanymy” halkara bäsleşiginiň ýeňijisi Tailanddan 21 ýaşly Suçata Çuangsri boldy. Bu titula 108 gatnaşyjy dalaş etdi diýlip, bäsleşigiň resmi saýtynda habar berilýär.
Çuangsri – halkara gatnaşyklary fakultetiniň talyby, model bolup işleýär, psihologiýa we antropologiýa bilen gyzyklanýar. Ol göwsüň düwnük keselini öwrenmek bilen baglanyşykly meýletin taslamalara gatnaşdy. Onuň öýünde 16 pişik we bäş it bar.
Bäsleşigiň saýty onuň şahsy şygaryny getirýär: “Eger bir durmuşyň seniň kömegiň bilen ýeňilleşendigini bilseň, bu üstünlik gazanmagyňdyr”.
Suçata Çuangsri bäsleşigiň taryhynda bu tituly alan Tailandyň ilkinji wekili boldy. Bäsleşik 72-nji gezek geçirildi.
“Bu pursat – diňe bir şahsy ýeňiş däl, bu görülmek, eşidilmek we üýtgeşmeleri geçirmek isleýän her bir gyzyň arzuwy. Meniň üçin bu mirasa wekilçilik etmek we Dünýä hanymy hökmünde hakyky üýtgetmeleri girizmek uly mertebe” – diýip, ýeňiji öz çykyşynda aýtdy.
Final Hindistanyň Haýdarabat şäherinde geçirildi. Birinji wise-hanym Efiopiýadan Hasset Dereje Admassu boldy. Ikinji orny Polşadan Maýýa Klaýda eýeledi. Üçünji wise-hanym Martinikadan Oreli Žoahim boldy.
