Audi kompaniýasy Vertagear şereketi bilen bilelikde hem iş, hem-de kibersport üçin amatly ofis oturgyçlaryny çykardy. Täze önümler awtoulag öndürijisiniň sport ulaglarynyň oturgyçlary görnüşinde bezeldi. Bezegde markanyň awtoulaglarynyňka meňzeş ýa-da edil şonuň ýaly materiallar ulanylýar.
Sargytlar eýýäm kabul edilip başlandy. Bahalar 500 dollardan başlaýar.
Hatar üç modeli öz içine alýar.
Esasy model bolan SL3800 Audi Edition gapdal goldawy we sazlap bolýan arkalyk bilen enjamlaşdyrylan. Daşyna howa geçirijiligi gowulandyrýan tehnologiýaly emeli deri çekilen. Oturgyjyň konstruksiýasy polat çarçuwa esaslanýar. Boýun ýassygy hem bar.
Indiki model - SL5800 RS Edition. Ol howpsuzlyk kemeri üçin deşikleri imitirleýän urundylary we HygennX sintetiki materialdan bolan gowulandyrylan daşlygy bilen tapawutlanýar. Onuň alamatlarynyň içinde çalt guraýjylyk we ysy ýok edijilik häsiýetleri bar. Esasy alýuminden ýasalan.
Flagman modeli bolan PL4800 Audi Sport Edition has hem sport dizaýnyna we güýçlendirilen ýük göterijilik ukybyna eýe boldy.
Oturgyçlar, modifikasiýasyna baglylykda, boýy 198 sm we agramy 163 kg-a çenli bolan ulanyjylar üçin niýetlenendir.
