Kia kompaniýasy ykjam XCeed krossowerini ýygnamagy bes etmek kararyna geldi. Bu model üstümizdäki ýylda önümçilikden aýrylar. Munuň sebäbi, elektrik ulaglary segmentinde markanyň strategiýasynyň möhüm bölegine öwrüljek täze Kia EV3 elektrik ulagyny satuwa çykarmak ugrundaky taýýarlyklar bilen baglanyşykly.
XCeed 2019-njy ýyldan bäri goýberilip gelýär, ýöne satuwda Volkswagen T-Roc ýaly bäsdeşleri bilen deň hatarda üstünlik gazanyp bilmedi. Şol bir wagtyň özünde-de ol ýokary islegli boldy: 2021-nji we 2022-nji ýyllarda model gowy netijeleri görkezdi - degişlilikde 50 000-den we 53 000-den gowrak awtoulag satyldy. Şeýle-de bolsa, 2023-nji ýylda satuw 40 000 birlige çenli azaldy.
Kompaniýa elektrik ulaglaryny ösdürmeklige ünsi jemlemek kararyna geldi. Kia EV3 Slowakiýadaky elektrik ulaglary öndürilýän merkez döretmek göz öňünde tutulýan zawodda öndüriler. Bu brendiň bazardaky ornuny berkitmeli we hatarda täze modellere orun bermeli.
