Netflix striming hyzmaty «Pyçaklar çykaryldy: Oýan, merhum» («Wake Up Dead Man: A Knives Out Mystery») atly filme degişli iki sany tizer paýlaşdy. Bu meşhur detektiw Benua Blank barada düşürilýän franşizanyň üçünji bölümi bolup, onuň keşbini ýene-de Deniel Kreýg ýerine ýetirýär.
Filmiň premýerasy 2025-nji ýylyň güýzüne meýilleşdirilýär. Takyk görkeziljek senesi heniz yglan edilmedi.
Filmiň režissýory we ssenariý awtory öňküsi ýaly Raýan Jonson boldy. Bu taslama şeýle-de Joş O’Konor, Jeremi Renner, Joş Brolin, Mila Kunis, Glenn Klouz, Endrýu Skott we Keýli Speni ýaly aktýorlar hem gatnaşýar.
Franşizanyň ilkinji bölümi, ýagny «Pyçaklar çykaryldy» («Knives Out») filmi 2019-njy ýylda görkezilip, dünýä boýunça prokatda 350 mln dollardan gowrak girdeji gazanypdy. Onuň dowamy bolan «Pyçaklary çykaryldy: Aýna sogan» («Glass Onion: A Knives Out Mystery») filmi bolsa 2022-nji ýylyň ahyrynda Netflix-de elýeterli bolupdy.
