Madridiň “Realy” “Liwerpulyň” ýetişdiren oýunçysy we Angliýanyň milli ýygyndysynyň goragçysy Trent Aleksandr-Arnoldyň topara geçendigini resmi taýdan yglan etdi. Futbolçy bilen şertnama 2031-nji ýylyň iýun aýynyň ahyryna çenli möhlet bilen baglaşyldy.
Şertnama 2025-nji ýylyň 1-nji iýunynda güýje girer. Şeýlelikde, oýunçy 15-nji iýundan 13-nji iýul aralygynda ABŞ-da geçiriljek Klublaýyn dünýä çempionatynda “Real” üçin çykyş edip biler.
Bellemeli ýeri, Aleksandr-Arnoldyň “Liwerpul” bilen şertnamasy 30-njy iýunda tamamlanýar. Žurnalist Mario Korteganyň we beýleki insaýderleriň maglumatlaryna görä, “Real” futbolçyny Klublaýyn dünýä çempionatyna çenli almaga gyssanyp, “mersisaýdlylara” bir million ýewro möçberde öwez tölegini teklip etdi, ýöne iňlis kluby on million sorady. Netijede, Madrid kluby razy boldy we şertnamanyň möhletinden ir ýatyrylmagy üçin soralan mukdary töledi. Eger bu hakykat bolsa, “Liwerpula” ýene bir aýdan topardan mugt gidip biljek oýunçyny satmak başartdy.
Trent Aleksandr-Arnold “Liwerpulyň” ýetişdiren oýunçysydyr. Ol esasy toparda 2016-njy ýyldan bäri çykyş etdi. Toparyň düzüminde iki gezek Angliýanyň çempionatyny, ähli içerki kuboklary, Klublaýyn dünýä çempionatyny we UEFA-nyň Çempionlar ligasyny utdy.
