Kia 2026-njy model ýylynyň täzelenen Carnival miniweniniň baha sanawyny çap etdi. LX-iň öň tekerleri hereketli esasy wersiýasynyň bahasy 36 990 dollar. Iň gymmat wersiýasy bolan SX Prestige gibridiniň bahasy 53 090 dollar.
Carnival LXS, EX, SX we SX Prestige komplektasiýalarynda çykýar. Tekerleri doly hereketli ulgam diňe 42 290 dollar bahasy bolan EX AWD wersiýasynda elýeterlidir. Carnival Hybrid-iň bahasy 40 990 dollardan 53 090 dollar aralygynda üç görnüşde hödürlenýär.
Ähli wersiýalary 12,3 dýuýmlyk egri ekran, yzky güýmenje ulgamy we Dark Edition daşky bezeg bukjasy bilen enjamlaşdyrylyp bilner. Öňki komplektasiýalary goşmaça ýokary amatlylygy bolan oturgyçlar bilen enjamlaşdyrylandyr.
Modeliň daşky görnüşi 2025-nji ýyldaky wersiýasyndan üýtgemän galýar. Şol bir wagtyň özünde Carnival sarp edijileriň uly isleginden peýdalanýar: diňe 2025-nji ýylyň aprelinde satuw, geçen ýylyň degişli döwri bilen deňeşdirilende, 79% ýokarlandy.
Bu model salonynyň giňişdigi, gibrid modifikasiýasynyň bardygy we opsiýalarynyň görnüşiniň köpdügi sebäpli meşhur maşgala ulagynyň görnüşleriniň biri bolmagynda galýar.
