Netflix akym hyzmaty Den Braunyň “Syrlaryň syry” (“The Secret of Secrets”) romanynyň ekranlaşdyryljakdygyny bildiriş etdi. Bu Garwardyň professory, simwolika boýunça hünärmen we “Da Winçiniň kodunyň” baş gahrymany Robert Lengdon hakdaky altynjy kitapdyr diýip, Deadline habar berýär.
Romanyň awtory taslamanyň edebi esasynyň awtorlaryndan we prodýuserlerinden biri bolar. Onuň bilen birlikde serialyň üstünde Karlton Kýuz (“Diri galmak” (“Остаться в живых”) işlär.
Täze kitabyň sýužeti ýiten alymyň gözlegine bagyşlanýar. Awtorlaryň sözlerine görä, onuň açyşlary adamzadyň aňynyň nähili işleýändigi baradaky düşünjäni üýtgedip biler. Braunyň özi romany ýazanlarynyň arasynda "iň hyjuwlysy" diýip atlandyrdy. “Syrlaryň syry”ABŞ-da 9-njy sentýabrda çykar.
Braunyň eserleriniň iň üstünlikli ekranlaşdyrylanlary Robert Lengdonyň keşbinde Tom Henksiň oýnamagynda düşürilen “Da Winçiniň kody”, “Perişdeler we şeýtanlar” (“Ангелы и демоны”) hem-de “Inferno” filmleri boldy. Bu üç film bilelikde dünýäde 1,478 milliard dollar girdeji gazandy.
Täze serialda Lengdonyň keşbini ýerine ýetirjek aktýoryň ady entek aýan edilmedi. Netflix-de taslamanyň takyk goýberiljek senesi hem entek belli däl.
