Apple TV+ režissýor Martin Skorsezeniň durmuşy we döredijiligi barada dokumental serialyň çykaryljakdygyny habar berdi.
Deadline neşiriniň belleýşi ýaly, “Jenap Skorseze” atly taslama bäş bölümden ybarat bolar. Ol Skorsezeniň özi bilen açyk gürrüňdeşliklere, şeýle-de onuň ýakynlary, dostlary we awtordaşlar bilen öň neşir edilmedik söhbetdeşliklerine esaslanar.
Taslama Robert De Niro, Leonardo DiKaprio, Mik Jagger, Stiwen Spilberg, Şeron Stoun, Jodi Foster, Margo Robbi we beýlekiler gatnaşdy.
Serial režissýoryň şahsy tejribesiniň Nýu-Ýork uniwersitetinde düşürilen talyp filmlerinden başlap, “Rehimsiz köçeler” (Злые улицы), “Taksi sürüjisi” (Таксист), “Guduz öküz” (Бешеный бык), “Nýu-Ýorkuň bandalary” (Банды Нью-Йорка), “Näletlenenleriň adasy” (Остров проклятых) we “Uoll-stritiň möjegi” (Волк с Уолл-стрит) ýaly meşhur işlerine çenli uzan döredijilik ýoluna nähili täsir edendigi barada gürrüň berer.
Taslamanyň režissýory hökmünde Rebekka Miller çykyş etdi. Skorseze oňa şahsy arhiwlerine girmäge rugsat berdi.
Miller bu serialyň üstündäki işi öz durmuşynda kesgitleýji wakalaryň biri diýip atlandyrdy. Önümçilik bäş ýyl wagt aldy.
Premýeranyň senesi entek habar berilmedi.
