Ferrari täze sport awtoulagyny - Ferrari Amalfi çykarmaga taýynlanýar. Ol Ferrari Roma modeliniň mirasdüşeri bolar. Resmi tanyşdyryş çäresini 2025-nji ýylyň iýulynda geçirmek meýilleşdirilýär. Häzirki wagtda awtoulag ýol synaglaryndan geçýär.
Amalfi Roma-nyň platformasynda gurlar, ýöne ep-esli dizaýn üýtgeşmelerini alar. Awtoulagyň 2 + 2 görnüşini saklamagyna garaşylýar, ýöne öň tarapy üýtgeşik we korpus çyzyklary has döwrebap bolar.
Deslapky maglumatlara görä, täze model döwrebaplaşdyrylan V8 bilen enjamlaşdyrylar. Onuň kuwwaty Roma-nyň 620 at güýjüni öndürýän hereketlendirijisinden ýokary bolar. Bu gowulaşan dinamikany üpjün eder.
Interýeriniň nähili boljakdygy entek aýan edilmedi, ýöne täzelenen tehnologiýaly we bezegleriniň hiliniň ýokary bolmagyna garaşylýar. Şeýle hem Spider wersiýa garaşylýar.
Amalfi 2025-nji ýylda çykarmak meýilleşdirilýän alty sany täze Ferrari modeliniň biri bolar. Mundan başga-da, kompaniýa oktýabr aýynda ilkinji doly elektrikli awtoulagyny hödürlemekçi, ol 2026-njy ýylda çykar.
