«Netflix» striming hyzmaty «Clash of Clans» mobil oýny boýunça animasion serial dörediljekdigini mälim etdi.
«Variety» neşiriniň bellemegine görä, taslamanyň üstünde işlejek topar hem-de premýeranyň senesi entek belli däl.
«Clash of Clans» – bu häzirki wagt strategiýa oýnudyr. Oýunda ulanyjylar öz obasyny ösdürýär we goraýar, şeýle-de beýleki oýunçylaryň bazalaryna hüjüm edýär.
Oýun 2013-nji ýylda iOS we Android platformalary üçin çykaryldy. Şol wagtdan bäri, ol dünýäniň iň meşhur mobil oýunlarynyň biri bolup gelýär. Metbugat maglumatlaryna görä, «Clash of Clans» oýny işläp düzüjisi bolan «Supercell» kompaniýasyna günde ortaça 654 müň dollar girdeji getirýär.
