ABŞ-da geçiriljek 2025-nji ýylyň Klublaýyn dünýä çempionatyna klublary gatnaşýan FIFA-nyň 20 agza assosiasiýasynyň ählisi ýörite transfer penjiresiniň açylmagyny makullady. Bu barada Halkara futbol federasiýasynyň (FIFA) resmi saýtynda habar berilýär.
Ozal FIFA-nyň geňeşi goşmaça geçiş döwrüni tassyklady – ol 1-nji iýundan 10-njy iýun aralygynda bolup, diňe ýaryşa gatnaşýan toparlara degişlidir. Şol bir wagtyň özünde, şeýle transfer penjiresini açmak hukugy milli assosiasiýalaryň özüne berildi. Indi klublary çempionata gatnaşýan 20 assosiasiýanyň ählisi razylyk berdi.
Mundan başga-da, gatnaşyjylar topar düzümlerine üýtgeşme girizip biler: 27-nji iýundan 3-nji iýul aralygynda oýun üçin sanawa oýunçylary goşmak ýa-da aýyrmak bolýar.
2025-nji ýylyň Klublaýyn dünýä çempionaty 15-nji iýundan 13-nji iýul aralygynda ABŞ-da geçiriler. Ýaryş 32 toparyň gatnaşmagynda täze görnüşde geçer.
