Walt Disney Animation Studios-yň YouTube kanalynda “Haýwanlar şäheri-2” (Зверополис-2) multfilminiň ilkinji treýleri peýda boldy. Animasion filmiň dünýä prokatyndaky premýerasy 26-njy noýabra meýilleşdirilýär.
Ikinji filmde Zootopia şäheriniň ýaşaýjylary täze howpa duçar bolýar. Baş gahrymanlar – tilki Nik we towşan Judi şäherdäki adaty durmuş tertibini bozan syrly süýreniji bilen bagly işi derňär.
Jeýson Beýtman ýene Nike ses berdi, Jennifer Gudwin bolsa Judiniň keşbine gaýdyp geldi. Täze wakada ýylana “Oskar” baýragynyň eýesi Ke Hýui Kwan ses berdi, Fazzbi atly kwokka bolsa Kinta Bransonyň sesi bilen gürlär.
Sýužet boýunça, Nik we Judi öz çylşyrymly gatnaşyklaryna düşünmek üçin terapiýadan geçmek kararyna gelýär. Fazzbi olaryň terapewti bolýar.
Ýene bir täze gahrymana – Nibbls atly samyra komik Forçun Faýmster ses berdi. Şakira ýene-de Gazeliň keşbini ýerine ýetirer we film üçin iki täze aýdym hödürlär.
Birinji multfilm “Haýwanlar şäheri” 2016-njy ýylda çykdy we dünýä prokatynda 1 mlrd dollardan gowrak girdeji gazandy. Ol “Haýwanlar şäheri+” serialy üçin esas boldy, onda her bir bölüm aýratyn gahrymana, şol sanda towşan Judi Hopsa bagyşlanýar.
