Kia EV9 dünýäniň elektromobil bazarynda öz ornuny berkitmegini dowam etdirýär. Model köp sanly abraýly baýraklara eýe boldy.
2025-nji ýylyň aprel aýynda ulag Volvo EX90 we Mercedes-Benz EQS bilen deňeşdiriji synaglarda üstün çykdy. Hereketlendirijiniň kuwwatynyň pesdigine garamazdan, EV9 tizligini artdyrmak, tygşytlylyk we zarýad tizligi boýunça iň gowy netijeleri görkezdi.
Şeýle-de, awtomobil dizaýny we funksionallygy taýdan tapawutlanýar. Model “Bütindünýä ýylyň awtomobili 2024” (World Car of the Year) titulyny aldy we Women's Worldwide Car of the Year bäsleşiginde iň gowusy diýlip ykrar edildi. Mundan başga-da, Kia EV9 elektromobili iF Design Award we Red Dot Design Award halkara bäsleşiklerinde altyn baýraklara mynasyp boldy.
Kia-nyň howpsuzlygy aýratyn ünse mynasypdyr. EV9 birbada üç guramadan: Amerikanyň IIHS, Ýewropanyň Euro NCAP we Koreýanyň KNCAP guramalaryndan kraş-synaglarda iň ýokary bahalary aldy.
Tehniki taýdan model E-GMP platformasynda guruldy. Onuň bir zarýadda geçýän menzili 501 km barabar.
Kia kompaniýasy EV9-yň innowasion çözgütleri, netijeliligi we döwrebap dizaýny özünde birleşdirmeginiň netijesinde 2025-nji ýylyň iň gowy elektromobilleriniň biri bolup galjakdygyny belleýär.
