Ispaniýaly tennisçi Karlos Alkaras Rimde geçirilen “Masters” ýaryşynyň finalynda dünýäniň birinji raketkasy, italiýaly Ýannik Sinneri utdy. Ýaryşyň baýrak gaznasy 8 mln ýewrodan geçýär.
Duşuşyk 7:6 (7:5), 6:1 hasabynda dünýä reýtinginiň üçünji belgili tennisçisi Alkarasyň peýdasyna tamamlandy. Tennisçiler kortda 1 sagat 43 minut sarp etdi. Şahsy duşuşyklarda hasap ispaniýalynyň peýdasyna 7-4 boldy.
Alkaras 22 ýaşynda. Ol karýerasynda ýekelikde 19-njy titulyny gazandy. Şeýle-de, ol ýedinji “Masters” ýaryşynda we Rimdäki ýaryşlarda ilkinji gezek ýeňiji boldy.
