Kristofer Nolanyň “Odisseýi” tutuşlygyna IMAX kameralarynda surata düşürilen ilkinji film bolar. Bu barada Kann film festiwalynda IMAX-yň baş direktory Riçard Gelfond habar berdi. Collider onuň sözlerini getirýär.
Gelfondyň sözlerine görä, filmiň tutuşlygyna IMAX-da surata düşürilmegini Nolanyň hut özi isledi.
"Kris bu sözlerim üçin janymy alar" - diýip, kompaniýanyň baş direktory degişdi.
Tehniki çäklendirmeler: zarýad bermegiň wagty, ses we materiallary görmek bilen baglanyşykly kynçylyklar sebäpli bu çemeleşmäniň öň mümkin däl hasaplanyp gelendigini aýtdy.
Nolan öň “Gara rysar” (“Темный рыцарь”), “Dýunkerk”, “Esas” (“Довод”) we “Oppengeýmer” filmindäki esasy sahnalary surata düşürmek üçin IMAX kameralaryny ulanypdy.
“Odisseýiň” ilkinji görkezilişi 2026-njy ýylyň 17-nji iýulynda bolar. Film gadymy grek şahyry Gomeriň Troýa söweşinden soň öýüne gaýdyp gelýän Itakanyň şasy Odisseý hakyndaky epiki goşgusyna esaslanýar.
Filmde baş keşbi Mett Deýmon janlandyrar. Şeýle hem filmde Tom Holland, Zendeýa, Enn Heteueý, Robert Pattinson, Lupita Niongo, Şarliz Teron, Elliot Peýj, Jon Berntal we Mia Got dagy çykyş eder.
Film Sisiliýada, Beýik Britaniýada we Marokkoda surata düşüriler. Rowaýata görä, poemanyň gahrymany hut Sisiliýanyň kenarynda düşläpdir.
Insaýder Mett Belloniniň berýän maglumatlaryna görä, filmiň býujeti 250 million dollara ýetip biler, bu bolsa “Gara rysar: rowaýatyň gaýtadan dikelmegi” (2012) (“Темный рыцарь: Возрождение легенды”) filminiň býujeti bilen deňeçerdir.
