13-nji maýda Günde X1.2 derejeli alawlama bolup geçdi. Bu soňky bir ýarym aýda şeýle derejeli ilkinji hadysadyr diýip, Kosmos gözlegleri institutynyň we Gün-Ýer fizikasy institutynyň Gün astronomiýasy barlaghanasy habar berdi.
Soňky gezek iň ýokary derejeli alawlama (X2.0) 28-nji martda boldy.
Teleskop maglumatlaryna görä, hadysa Aşgabat wagty bilen 20:38-de Gün diskiniň günbatar çetinde bolup geçdi, hadysanyň bir bölegi bolsa gözýetimiň aňyrsynda boldy. Häzir alawlamadan gelýän radiasiýa eýýäm azalýar, onuň ýüze çykmagyna sebäp bolan işjeň merkez bolsa tiz wagtdan Günüň görünýän tarapyndan ýiter.
Alawlama koronal massanyň uly möçberde zyňylmagy bilen bolup geçdi, ýöne ol Ýeriň garşysyna gönükdirilen. Şonuň üçin hünärmenler geomagnit tupanlarynyň bolmak mümkinçiligini aradan aýyrýar. Zarýadlanan bölejikleriň akymy Ýere golaý giňişlige ýetip biler, ýöne olar diňe hemralar üçin howp döredýär.
