AirCar kompaniýasy adamyň gatnaşmagynda iki orunlyk uçýan awtomobiliniň ilkinji synagyny geçirdi. Uçuş 35 km/sag-dan gowrak ýel tizliginde we 8 metr belentlikde amala aşyryldy diýip, Anadolu agentligi habar berýär.
Kompaniýanyň beýanyna görä, 2020-nji ýyldan bäri Bilişim Vadisi tehnoparkynda bir we iki orunlyk elektrik dik uçuş we gonuş enjamlarynyň (eVTOL) modelleri işlenip taýýarlanýar. Ýerli önümçilik derejesi 85%-e ýetdi. Ilkinji adamly uçuş üstünlikli tamamlandy.
Synag heniz aprel aýynyň başynda geçirildi. AirCar-yň esaslandyryjysy we baş direktory Eraý Altunbozar ilkibaşda bir orunlyk prototipde uçdy, soňra iki orunlyk modele geçip, ýolagçyly ilkinji uçuşy amala aşyrdy. Uçuş 10 minut töweregi dowam etdi.
Altunbozaryň aýtmagyna görä, indiki maksat önümçilik zawodyny döretmekden we köpçülikleýin önümçilige geçmekden ybarat.
“Häzirki günde biz eVTOL-yň adamly uçuşyny amala aşyran dünýä kompaniýalarynyň bäşligine girýäris” – diýip, ol belledi.
Iki orunlyk AirCar bilelikdäki we awtonom uçuşlar üçin niýetlenýär. Geçýän menzili – 50-80 km, ýük göterijiligi – 200 kg. Ol dikuçardan bäş esse sessiz bolup, hyzmat üçin on esse az çykdajy talap edýär.
