Nissan Ýaponiýada 1 mlrd-lyk taslamasyny ýatyrýar. Kompaniýa ýitgiler sebäpli çykdajylaryny azaldýar

  • 12.05.2025 16:32
  • 3.3k+

Nissan Motor kompaniýasy Ýaponiýanyň Kitakyusýu şäherinde elektrik ulaglary üçin LFP batareýalaryny öndürýän zawod gurmagy goýbolsun etdi. Taslamanyň bahasy 153,3 milliard ýena (takmynan 1,05 milliard dollar) bolmalydy diýip, Reuters belleýär.

Zawodyň 500 töweregi iş ýerini döretmegine garaşylýardy.
Gurluşygy goýbolsun etmek karary häzirki ykdysady ýagdaýda maýa goýumlaryň pes netijeliligi bilen düşündirilýär. Döwlet subsidiýasy 55,7 milliard ýena çenli bolup bilerdi. Onda 2028-nji ýylyň iýulyna çenli önümçilige başlamak  meýilleşdirilipdi. Zawodyň ýyllyk kuwwatynyň 5 GWt·s-a ýetmegine garaşylýardy.
Taslama elektrik ulagyny ösdürmek strategiýasynyň bir bölegidi. Emma aprel aýynda Nissan-yň baş müdiriniň wezipesni Iwan Espinosa eýeledi. Ol üýtgedip gurmaga başlady: kompaniýa işgärleri gysgaldýar, zawodlaryny ýapýar we önümçiligiň göwrümini kiçeldýär.
Şol aýda hem Nissan soňky maliýe ýylynda 750 milliard ýena (takmynan, 5,14 milliard dollar) töweregi arassa ýitgi çekjekdigini çaklapdy. Öňümizdäki günlerde kompaniýanyň ýolbaşçylary täzelenen maliýe çaklamasyny we dikeldiş meýilnamasyny hödürlemegi wada berýär.
Gurluşygyň ýatyrylmagy kompaniýanyň uzak möhletleýin strategiýasyna täsir edip we elektrik ulaglarynyň hatarynyň ösüşini haýalladyp biler diýip, Reuters belleýär.


23.10.2025 10:00
1.9k+

Nissan Teana — Huawei sanly kokpiti bilen enjamlaşdyrylan ilkinji benzinli awtoulag bolar

Nissan kompaniýasy Hytaý bazary üçin niýetlenen täzelenen Teana sedanyny tanyşdyrdy. Öndüriji täze modeliň Huawei sanly kokpiti bilen enjamlaşdyrylan ilkinji adaty benzinli awtoulag boljakdygyny aýtdy. Mundan ozal bu tehnologiýa diňe elektrik we gibrid ulaglarynda ulanylýardy...

12.10.2025 23:17
3.6k+

Nissan täze ykjam Tekton krossowerini tanyşdyrdy

Nissan kompaniýasy täze ykjam Tekton krossoweriniň ilkinji suratlaryny köpçülige görkezdi. Bu model hindi bazary üçin ýörite döredilip, 2026-njy ýylda satuwa çykarylar, soň bolsa beýleki ýurtlaryň bazarlarynda hem peýda bolar...

26.09.2025 19:42
5.6k+

Nissan Sentra-nyň dokuzynjy nesli täze dizaýnda çykdy, ýöne öňki motoryny saklap galdy

Nissan kompaniýasy ABŞ-da Sentra sedanynyň eýýäm dokuzynjy neslini hödürledi. Awtoulag daşky görnüşinde we içki böleginde düýpli üýtgeşmelere eýe boldy, ýöne  öňki platformasy we şol bir güýç gurluşy saklandy. Täze modeliň satuwy ýylyň ahyrynda başlanar...

26.09.2025 18:43
4.7k+

Toyota “Woven City” ady bilen geljegiň şäherini açdy: onda “oýlap tapyjylar” we “dokmaçylar” ornaşdy

Toyota kompaniýasy Fudzi dagynyň etegindäki Sidzuoka prefekturasynda “akylly” şäheri – Woven City-ny resmi taýdan açdy. Bu barada The Japan Times neşiri habar berýär. Şeýle şäheri döretmek pikiri ilkinji gezek bäş ýyl ozal hödürlendi...