Baidu haýwan dilini adam diline terjime edýän tehnologiýany patentlemek üçin arza berdi

  • 12.05.2025 07:06
  • 4.9k+

Hytaýyň Baidu kompaniýasy haýwan seslerini adam diline terjime edip biljek tehnologiýany patentlemek üçin arza berdi. Bu barada South China Morning Post habar berdi.

Arza 2023-nji ýylyň dekabrynda berlipdi, ýöne Hytaýyň Milli intellektual eýeçilik müdirligi ony diňe 2025-nji ýylyň 6-njy maýynda neşir etdi. Resminama laýyklykda tehnologiýa haýwanlaryň özüni alyp barşyny seljermek üçin neýroulgamy ulanar. Ulgam sesi, beden dilini, özüni alyp barşynyň üýtgemegini we beýleki alamatlary göz öňünde tutup biler. Bu maglumatlara esaslanyp, ol haýwanyň “duýgusyny” kesgitlär we sesleri adamlara düşnükli dile öwrer.
Işläp taýýarlaýyşda emeli aňyň dürli ugurlary, şol sanda maşyn okuwyny ulanar. Eger ulgam ses boýunça bir duýgyny tanap bilmese, kompaniýanyň hünärmenleri maglumatlary elde bellärler, nusgany täzelärler we algoritmi sazlarlar.
Işläp taýýarlaýjylaryň tassyklamagyna görä, bazarda itleriň, pişikleriň we totuguşlaryň sesini terjime edýän onlarça programma bar. Emma, Baidu-nyň  berýän maglumatlaryna görä, şeýle programmalar diňe ses ýa-da ýüzüň mimikasyna salgylanýar, bu bolsa takyklygy çäklendirýär. Kompaniýa bir taraply çemeleşme haýwan duýgularyny dogry tanamaga päsgel berýär diýip hasaplaýar.
Baidu-y laýyk täze programmany çykarmagy meýilleşdirýärmi ýa-da ýok, entek belli däl. Patentlemek üçin berlen arza onuň derrew alynjakdygyny aňlatmaýar. Oňa garamak prosesi bir ýyldan bäş ýyla çenli çekip biler.


şu gün 14:32
3.3k+

Plastik galyndylardan parasetamol öndürmegiň usuly tapyldy

Edinburg uniwersitetinden professor Stiwen Uollesiň ýolbaşçylygyndaky alymlar topary plastik galyndylarynyň derman öndürmek üçin ulanylyp bilinjekdigini kesgitlediler. Bu barada Nature žurnalyndaky barlaga salgylanýan The Guardian ýazýar...

24.06.2025 13:32
2.4k+

Aýnadan çap etmek üçin ilkinji 3D printeri döredildi

Massaçusets Tehnologiýa institutynyň Linkoln barlaghanasynyň barlagçylary aýna zatlary öndürmäge ukyply ilkinji 3D printeri çykardylar. Şu wagta çenli additiw önümçilik şokolad we plastmassa ýaly dürli materiallary öz içine alypdy, ýöne organiki däl aýna bu tehnologiýanyň çäginden daşarda galyp gelýärdi...

23.06.2025 16:10
5k+

Hytaý inženerleri ilkinji gezek habary buzuň içinde kodlamagy başardy

Pekiniň politehniki institutynyň inženerleri Aziýanyň we Ýewropanyň beýleki uniwersitetlerinden kärdeşleri bilen bilelikde maglumatlary saklamagyň we ibermegiň usulyny oýlap tapdy. Olara howa köpürjiklerini ulanyp, buzuň içinde maglumat ýazmak başartdy...

20.06.2025 18:04
1.9k+

ABŞ-da nerw ulgamy bilen baglanyşygy dikeltmäge ukyply diş implanty döredildi

Tafts uniwersitetiniň Stomatologiýa we lukmançylyk mekdebiniň alymlary diňe bir ýitirilen dişleriň ornuny tutman, eýsem sensor duýgurlygy dikeldýän diş implantynyň täze görnüşini döretdiler diýip, New Atlas neşiri ýazýar...