Netflix TikTok-a meňzeş wideo lentasyny işe girizýär

  • 10.05.2025 14:39
  • 2.9k+

Netflix kompaniýasy ykjam goşundysynda täze funksiýanyň – TikTok-a meňzeş dik görnüşli gysga wideolardan ybarat lentanyň synag hökmünde ýakyn wagtda işe giriziljekdigini habar berdi diýip, «The Verge» neşiri habar berýär.

Täze funksiýa işe girizilenden soň, ulanyjylar seriallardan we filmlerden alnan klipleri dik görnüşde görüp bilerler. Eger haýsydyr bir wideo göwnüňe ýarasa, oňa şol ýerde dessine tomaşa edip bolar. Algoritmler her bir tomaşaça aýratynlykda degişli klipleri saýlap berer. Şeýle hem halan mazmunyňy «Soňra tomaşa et» (Watch later) sanawyna goşup, dostlaryň bilen paýlaşyp bolar.

«Ulanyjylaryň sosial torlarda dik görnüşli wideolara öwrenişendiklerini bilýäris. Abunalarymyz, köplenç, film ýa-da serial saýlamak üçin treýlerlere we böleklere seredýärler. Täze lenta bu prosesi has aňsatlaşdyrar» — diýip, Netflix-iň önümler boýunça direktory Ýunis Kim aýtdy.

Netflix ulanyjylaryň dik görnüşli wideolar üçin TikTok-a ýa-da Reels-e geçmegini islemeýär. Ýöne möhüm bir tapawut bar: sosial torlarda mazmuny millionlarça adam döredýär – memlerden täzeliklere çenli. Netflix-de bolsa, diňe öz filmlerinde we seriallaryndan bölekler bolar.
Şeýle-de Netflix TW-goşundysy üçin täzelenen dizaýnyny hem hödürledi.


düýn 11:02
6.9k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

düýn 09:20
1.8k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

düýn 09:06
4.2k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

28.11.2025 11:39
5.5k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...