Germaniýanyň BMW awtokonserni öz önümleriniň hataryny giňeldýär. Kompaniýa iki sany täze atyr hödürledi – Amberness we Bergamood.
Bu hoşboý yslar Widal maşgalasyna degişli bolan Mavive italýan kompaniýasy bilen hyzmatdaşlykda döredildi. Kompaniýa eýýäm 120 ýyldan gowrak wagt bäri hereket edýär we 90-dan gowrak ýurtda wekilçilik edýär. Täze atyrlary döretmegiň üstünde meşhur parfýumerler Frank Fýolkl we Aleksandra Mone işledi.
Amberness fransuz muskat şalfeýini, gwatemala kardamonyny, italýan bergamotyny we müsür geranyny birleşdirýär. Şeýle-de, onuň düzüminde madagaskar wanili, indoneziýa paçulisi we gaiti wetiweri bar.
Bergamood gülgüne burçuň goşulmagy bilen italýan bergamotynyň we mandariniň yslaryndan başlaýar. Şeýle-de, oňa lawanda, petigren, likwidambar we muskus goşulýar.
Atyrlaryň çüýşeleri minimalistik stilde dury aýnadan taýýarlandy. Olaryň silindr şekili BMW-niň Mýunhendäki ştab-kwartirasynyň binasyny görkezýär. Gara gapakda brendiň logotipi şekillendirilýär, atlary bolsa ak etiketkalarda görkezilen.
Hoşboý yslar maý aýynda satuwa çykar. Olary aýratyn parfýum dükanlarynda, BMW Lifestyle saýtynda we käbir resmi dilerlerde satyn almak bolýar.
Atyrlaryň bahasy 50 ml üçin 62 ýewro we 100 ml üçin 85 ýewrodyr.
