Türkmenistanly Anamjan Rustamowa agyr atletika boýunça dünýä çempiony boldy

  • 07.05.2025 15:08
  • 20k+

Türkmenistanyň wekili Anamjan Rustamowa Peruda geçirilýän ýaşlaryň we ýetginjekleriň arasynda agyr atletika boýunça dünýä çempionatynda altyn medal aldy. Çempionat Lima şäherinde 1-6-njy maý aralygynda geçirildi.

Anamjan Rustamowa ýaşlaryň arasynda 87 kilograma çenli agram derejede çykyş edip, umumylykda 249 kilogram (silterläp götermekde 108 kg, itekläp götermekde 141 kg) netije görkezdi. Kümüş medaly 244 kilogram (109 + 135) netije bilen meksikaly Wanessa Lizarraga, üçünji ýeri bolsa umumylykda jemi 242 kilogramy (108 + 134) eýgeren russiýaly Mariýa Gruzdowa eýeledi.
Anamjan Rustamowa öň hem halkara ýaryşlarynda ýeňiji boldy. 2022-nji ýylda ol birbada iki sany ýaş kategoriýasynda - 17 ýaşa çenli gyzlaryň arasynda we 20 ýaşa çenli ýetginjekleriň arasynda Aziýanyň wise-çempiony boldy.
2023-nji ýylyň dekabrynda A.Rustamowa Agyr atletika boýunça Dohada (Katar) Gran-pri tapgyrynda kümüş medal aldy. 2024-nji ýylda Ispaniýanyň Leon şäherinde geçirilen ýaşlaryň arasynda dünýä çempionatynda bürünç medal gazandy.


düýn 23:57
1.3k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

26.11.2025 10:39
4.4k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.4k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

25.11.2025 17:08
8.1k+

Türkmenistanly karateçi Ýaponiýanyň Maebasi şäherinde dünýä çempionatynda çykyş eder

Türkmenistanyň Kiokuşinkaý karate boýunça milli ýygyndysynyň agzasy Meýlis Paşagulyýew "The World Weight Kyokushin Karate Tournament – Japan 2025" dünýä çempionatyna gatnaşmak üçin Ýaponiýanyň Maebasi şäherine ugrady...