Amerikanyň abraýly Collider neşiri soňky 30 ýylda çykan iň oňat on trilleriň sanawyny çap etdi. Sanawa, awtorlaryň pikirine görä, dartgynly atmosferasy, garaşylmadyk sýužet öwrümleri we ajaýyp aktýorlyk ussatlygy bilen tapawutlanýan filmler girdi.
Birinji orny Kristofer Nolanyň “Unutma” («Помни») (2000) filmi eýeledi. Bu filmdäki waka ters hronologiýa boýunça gürrüň berilýär we wagtal-wagtal ýadynyň ýitmeginden ejir çekýän we aýalynyň ganhoryny gözleýän adama bagyşlanýar. Collider filmi "hekaýat etmek boýunça ussatlyk okuwy" we "ýat, gaýgy we hyýalylyk hakda oýlanma" diýip atlandyrýar.
Sanawda ikinji orunda nemes režissýory Florian Henkel fon Donnersmarkyň “Özgeleriň durmuşy” («Жизнь других») (2006) filmi durýar. Sýužetiň merkezinde - dönüklikde güman edilýän dramaturga gözegçilik edýän ofiser Ştazi. Neşir filmi "hökümet gözegçiliginiň garaňky portreti we ynamyň pese gaçmagy", şeýle hem "adam gatnaşyklarynyň güýji" hökmünde suratlandyrýar.
Üçünji ýeri Dewid Finçeriň “Ýedi” («Семь») (1995) trilleri aldy. Bred Pitt bilen Morgan Friman ýedi ölümiň günäsi bilen baglanyşykly bir topar ganhorlygy derňeýän aňtawçynyň keşbinde oýnaýarlar. "Agyr atmosfera her bir kadryň içinden eriş-argaç bolup geçýär: şäher çökgünliginiň hopukdryjy howasy we tükeniksiz ýagyş wakanyň esasyndaky ahlak taýdan pese gaçyşlygy şöhlelendirýär" – diýip, neşir belleýär.
Sanawda dördünji we bäşinji orny koreý režissýory Pon Jun-honyň “Ganhorluk hakdaky ýatlamalar” (2003) we “Mugthorlar” (2019) atly iki film aldy. Soňky film “Oskar” baýragyny alan ilkinji Günorta Koreýa filmi, şeýle hem “Iň oňat film” kategoriýasynda “Oskar” baýragyny alan ilkinji iňlis dilli däl film boldy.
Altynjy orunda Leonardo Di Kaprionyň baş keşbi janlandyrmagynda Martin Skorsezeniň “Näletsiňenler adasy” (2010) psihologiki trilleri durýar.
Şeýle hem ilkinji onluga Deni Wilnýowyň režissýorlyk eden “Tussag zenanlar” (“Пленницы”) (2013), M.Naýt Şýamalanyň “Sekizinji duýgy” (“Шестое чувство”) (1999), Den Gilroýyň “Stringer” (2014) we Entoni Mingellanyň “Zehinli jenap Ripli” (“Талантливый мистер Рипли”) (1999) filmleri girdi.
Collider öňem soňky on ýylda çykan iň gowy gorkunç filmleriň sanawyny neşir edipdi. Ilkinji üçlüge: Demian Runýanyň “Erbetlige ýoluganlar” (“Одержимые злом”), Dewid Robert Mitçelliň “Ol seniň yzyňdan gelýär” (“Оно приходит за тобой”) we Ari Asteriň “Reinkarnasiýa” filmi girdi.
