Las-Wegasda (ABŞ) 5-nji maýa geçilen gije professional boks agşamy geçirildi. Agşamyň esasy söweşinde ýaponiýaly Naoýa Inoue amerikaly Ramon Kardenasy tehniki nokaut bilen ýeňdi we yzygider dördünji gezek ikinji ýeňil agramda absolýut çempion adyny gorady.
Belläp geçsek, ikinji raundda Inoue nokdaun ýagdaýyna düşdi, ýöne aýaga galyp, söweşi dowam etdirmegi başardy. Şondan soň ol agalygy öz üstüne alyp, söweşi möhletinden ir tamamlady.
Inoue ikinji ýeňil agramda absolýut çempion titulynyň ilkinji goragyny 2023-nji ýylyň 6-njy maýynda meksikaly Luis Nerä garşy geçirdi. Şol wagt ol altynjy raundda tehniki nokaut bilen ýeňiş gazandy. Ikinji söweş 3-nji sentýabrda Terens Doheni bilen boldy we Inoueniň tehniki nokaut arkaly ýeňmegi bilen tamamlandy. Üçünji gorag 2025-nji ýylyň 24-nji ýanwarynda Ýo Jun Kime garşy geçirildi. Ýaponiýaly boksçy ýene-de möhletinden ir – dördünji raundda ýeňdi.
Soňky ýeňşinden soň Naoýa Inoueniň hasabynda 30 professional söweşde 30 ýeňiş bar.
