Los Anjelesde (ABŞ) geçirilen 50-nji «AFI Life Achievement Award» gowşurylyş dabarasynda Frensis Ford Koppola iň ýokary baýrak bilen sylaglandy. Oňa bu sylagy meşhur režissýorlar Stiwen Spilberg bilen Jorj Lukas gowşurdy. Gowşurylyş dabarasynda Koppolanyň amerikan kino we telewideniýe sungatynyň ösüşine goşan uly goşantlary aýratyn bellenildi diýip, «Deadline» neşiri ýazýar.
Bu dabara Robert De Niro, Al Paçino, Adam Draýwer, Harrison Ford, Endi Garsiýa, Morgan Frimen, Spaýk Li, Dastin Hoffman we El Fanning ýaly tanymal sungatçylar hem gatnaşyp, meşhur režissýory gutladylar.
Dabaranyň alyp baryjysy hökmünde çykyş eden Spilberg «Çokundyran ata» (Крёстный отец) filmini «häzirki wagta çenli döredilen iň beýik amerikan filmi» diýip atlandyrdy.
