Müsür Giza piramidalarynyň durkuny täzelemek işlerine 51 mln dollar bölüp berer. ÝUNESKO-nyň Bütindünýä mirasynyň obýekti eýýäm birnäçe wagtdan bäri dolandyryşyň pesligi, iriziji söwdagärler, adamlaryň köp bolmagy we haýwanlara ýowuz daralmagy sebäpli tankyt edilýär diýip, DailyExpress habar berýär.
Abatlaýyş işleri bilen Orascom Pyramids Entertainment Services kompaniýasy meşgullanar. Onuň çäklerinde aramgähleri dikeltmek, onlaýn petek ulgamyny ýola goýmak we gelýän adamlar üçin merkezi kämilleşdirmek göz öňünde tutulýar. Üýtgetmeler eýýäm başlandy: piramidalaryň çäginden hususy awtomobiller we syýahatçylyk awtobuslary aýryldy. Indi syýahatçylar Giza belentligine Faýum ýoly bilen her bäş minutdan gatnaýan 45 elektrobusda baryp biler. Öň hereket eden Marriott Mena House myhmanhanasynyň golaýyndan giriş indi ýapyk.
People for the Ethical Treatment of Animals (PETA) guramasy ýakynda Gizada haýwanlara ýowuz daralýandygyny anyklady. “PETA piramidalaryň golaýynda atlaryň we düýeleriň yzygiderli urulmagyny, depilmegini, çybyklanmagyny we aç bolmagyny hasaba aldy. Haýwanlary ölýänçä diýen ýaly ýadadýarlar, soňra zibil ýaly derwezeden daşary zyňyp goýberýärler. Giza piramidalary haýwanlaryň üstünden gözegçiliksiz gülmegi däl-de, Müsüriň gözelligini we taryhyny alamatlandyrmaly. Müsüriň hökümeti bu ejir çekýän haýwanlary Gizadan aýyrmak üçin çäre görmeli” – diýip, PETA Asia-nyň wise-prezidenti Jeýson Beýker belledi.
